Wenyeviti wa mitaa watakiwa kuwapa elimu wanajamii kuhusu mvua

wenyeviti  wa kamati za wilaya za kukabiliana na maafa wametakiwa kuchukua tahadhari kwa kuwaelimisha wananchi katika wilaya zao juu ya hatua stahiki wanazopaswa kuchukuwa kufuatia mvua za masika zinazotarajiwa kunyesha mwanzoni mwa wiki ya kwanza mwezi machi mwaka huu.

kaulli hiyo imetolewa na shaabani seif mohamed mkurugenzi mtendaji wa kamisheni ya kukabiliana na maafa zanzibar   wakati akizungumza na wakuu wa wilaya na wakurugenzi wa mabaraza manispaa offsin kwake  huko maruhubi katika kikao maalum cha kujadilili muelekeo wa mvua za masika zinazotarajiwa kunyesha hivi karibuni.

amesema kuwa wenye viti wa mitaa wanawajibu wa kuelimisha jamii wanayoishi nayo  juu ya mvua hizo ambazo zinaweza kuathiri maisha ya watu na makazi yao.

aidha, mkurugenzi huyo  ameishauri  jamii kuondokana na dhana kuwa suala la kukabiliana na maafa ni la kamisheni pekee huku akisema kuwa  taasisi mbali mbali na mtu mmoja mmoja inafaaa  kuchukua hatua stahiki katika kuhakikisha tatizo la kutokea kwa maafa linapungua katika jamii wanazoishi.

akiwasilisha mada ya mwelekeo wa mvua za masika afisa kitengo cha mawasiliano  na tahadhari  za mapema kassim salum abdi amesema uzoefu unaonesha kuwa katika kipindi cha  mvua kubwa mkoa wa mjini magharibi unaongoza kwa kukumbwa na athari ikiwemo mafuriko,maradhi ya kipindupindu sambamba na kuziomba mamlaka husika kuchukua tahadhari ili kuepuka athari hizo.

nae mkuu wa wilaya ya  kaskazini “a” hassan ali kombo amewaomba watendaji wa idara ya aridhi kuharakisha zoezi la upimaji na ukataji wa viwanja ili kutoa fursa kwa wananchi kujenga katika maeneo rasmi na kuepukana na tabia ya kujenga bila ya kuzingatia taratibu za mipango miji.

pamoja na mambo mengine serikali imeombwa kulipatia ufumbuzi tatizo la kutuaama maji katika eneo la fuoni kibonde mzungu ambapo uozefu unaonesha kila zinaponyesha mvua kubwa husababisha athari na baadhi ya watu kupoteza maisha na mali zao.