Serikali ya mapinduzi zanzibar kuandaa sheria itakayosimamia Sanaa

Serikali  ya mapinduzi ya zanzibar inatarajia kuandaa sheria itakayosimamia vyema kazi za wasanii wa zanzibar na kuhakikisha wananufaika na kazi   zao na yeyote atakayekiuka sharia kwa kutumia kazi za wasanii kinyume na sharia atachukuliwa hatua.

Kauli  hiyo imetolewa  na waziri wa nchi ofisi ya rais ,  sheria , katiba na utawala bora haroun ali suleiman wakati akifungua mafunzo kwa  wasanii kuhusiana na  kazi wanazozifanya na jinsi gani watasimamia  haki  zao.

Amesema  kuwa   serikali inatambua mchango mkubwa unaofanywa na wasanii hapa nchini na kua inathamini kazi za wasanii hao na ndio mana imeandaa sheria hiyo yenye lengo la kulinda na kutetea kazi zinazofanywa na wasanii hao.

Kwa  upande wake angela ndambuki ambae ni  afisa mtendaji wa kituo cha hakimiliki nchini kenya amesema kuwa lengo la semina hiyo ni kutoa elimu kwa wasanii wa zanzibar kuhusu hakimiliki ya kazi hizo katika mitandao pamoja ma kupata uzoefu katika kazi zao

Nae  bi mtumwa khatib ameir ambae ni afisa mtendaji wa kituo cha haki miliki zanzibar amesema baada ya semina hiyo wasanii pamoja na watunzi watapata uelewa kuhusu matumizi ya kuweka kazi zao katika mitandao  kwa lengo la kufaidika zaidi.

Semina  hiyo imeandaliwa na kituo cha haki miliki zanzibar kwa kushirikiana na vituo vyengine vya  haki miliki kenya na malawi  ili kuwapa  uelewa wasanii  na watunzi wengine kuhusiana na kazi zao.