Profesa Joyce Ndalichako ameagiza jeshi la polisi kuharakisha uchunguzi kifo cha mwanafunzi,

Waziri wa elimu, sayansi, teknolojia na ufundi, profesa joyce ndalichako ameagiza jeshi la polisi kuharakisha uchunguzi juu ya kifo cha mwanafunzi, akwilina akwilin aliyepigwa risasi na kufa, akiwa kwenye basi katika eneo la kinondoni jijini dar es salaam.

Profesa ndalichako ameyasema hayo jijini dar es salaam jana katika chuo cha taifa cha usafirishaji alikokuwa akisoma mwanafunzi huyo.

Hapojana maelfu ya watu walimuagamwanafunzi huyo , kabla ya kusafirishwa kuelekea kwao, rombo mkoani kilimanjaro kwa mazishi, yanayotarajiwa kufanyika leo.

Profesa ndalichako amesema rais john magufuli na viongozi wengine, wameguswa na msiba huo kufuatia kifo chake februari 16 mwaka huu, na ndiyo maana serikali iliamua kubeba gharama zote za msiba huo.

Ndalichako amesema serikali inachukua kwa uzito mkubwa suala hili, na rais magufuli ameagiza vyombo vya ulinzi vifuatilie pamoja na kutoa mwito kwa jeshi la polisi liharakishe uchunguzi huu ili haki ipatikane kwani uchunguzi huo, pia utasaidia vitendo vya namna hiyo visiendelee kutokea siku zijazo.