Jamii nchini imeshauriwa kuchukua taahadhari juu ya majanga ya moto

Jamii  nchini imeshauriwa kuchukua taahadhari juu ya majanga ya moto kwa kuzifanyia nyumba zao fitingi nzuri ya umeme na kufunga kifa cha aina ya soketi breka ili kupunguza ajali za moto zinazothiri maisha ya watu na mali zao.

Ushauri  huo umetolewa na Shaabani Seif Mohamed Mkurugenzi mtendaji wa kamisheni ya kukabiliana na maafa zanzibar  wakati alipofika kumfariji na kumpa pole mzazi wa mtoto aliefariki kwa ajali ya  moto tariki abubakar said mkazi wa  eneo la kwa mtumwajeni wilaya ya mjini.

Amesema  kuwa ufungaji wa fitingi usio fata mpangilio mzuri  unaweza kusababisha ajali.

Aidha,  Mkurugenzi huyo amewaomba wananchi ambao nyumba zao ni za zamani kuangalia uwezekano wa kuzifanyia upya fitingi kwa kuondosha waya zilizopita ndani ya kuta za nyumba na kuzipitisha katika bomba maalum za kupitishia waya ili iwe rahisi kuzuwia athari zitakazojitokeza.

Nae  Sheha wa Shehia ya kwa Mtumwajeni Rajab Ali Ngauchwa ameishukuru serikali kuanzia ngazi ya wilaya na uongozi wa kamisheni ya kukabiliana na maafa kwa kufika kwao kuifariji familia ilipatwa na msiba sambamba na kuwaomba wananchi kuwa na uwangalifu wa hali ya juu katika utumiaji wa vifaa vya umeme kutokana na majanga ya moto kuengezeka na kusababisha vifo.

kwa  upande wake mama Mzazi aliefiwa na mwanawe Bi Khadija khamis Salum ameiomba serikali na wadau mbali mbali kumsaidia baadhi ya vifaa ili aweze kurejesha hali kutokana na vifaa vyake vyote kutekea kwa moto ikiwemo saruji, mabati, milango, nguo pamoja na vyombo.