Mrundikano wa kesi za udhalilishaji mahakamani

Jumuiya ya vijana na elimu ya mkoa wa kaskazini unguja (juvieka) imesema bado idadi ya kesi za udhalilishaji ambazo hazijapatiwa hukumu inaongezeka huku wananchi wakiendelea kufuatilia mahakamani.

Akizungumza katika kilele cha kuadhimisha siku kumi na sita za kupinga vitendo vya ushalilishaji katibu wa jumuiya hiyo bibi hadija amesema pamoja na  kuongezeka kwa kasi ya kuripoti matukio ya vitendo vivyo bado wananchi walio wengi wanahamu ya kusikia humu wakiamini ndio njia pekee ya kuondosha kabisa vitendo hivyo.

Amesema kwa mwaka huu kesi zilizopatiwa hukumu ni kidogo ikilinganishwa na idadi ya kesi zilizoripotiwa.

Aidha akifafanua zaidi amezitaja baadhi ya kesi na kusema kwamba kuongezeka kwa  kesi hizo kunawatia hofu wazazi katika malezi ya watoto wao.

Kwa upande wake mwenyekiti wa jumuiya hiyo ali makame amewataka watendaji kuwajibika katika kushuhulikia kesi za udhalilishaji ili kupunguza kasi ya vitendo hivyo