Libya: Zaidi ya wahamiaji haramu 100 wameokolewa

Zaidi ya wahamiaji haramu 100 wameokolewa kaskazini magharibi mwa Pwani ya Libya.

Kwa mujibu wa habari,mashua iliyokuwa imewabeba wahamiaji hao iliharibika wakati wa safari.

Mashua hiyo iliharibika kilomita 19 kutoka katika mpaka wa Tunisia.

Kati ya waliookolewa wengi wao ni watoto na wanawake.

Toka mwaka 2011 Libya imekuwa ikitumika kama kituo cha kusafirisha wahamiaji haramu kuelekea Italia na nchi nyingine barani Ulaya.